27 студзеня ў Беларусі, як і ва ўсім свеце, адзначаюць Міжнародны дзень памяці ахвяр Халакосту. Гэты Дзень быў заснаваны 1 лістапада 2005 года на 60-й сесіі Генеральнай асамблеі ААН (рэзалюцыя 60/7 “Памяць пра Халакост”) і штогод адзначаецца ў дзень вызвалення савецкімі войскамі ў 1945 годзе найбуйнейшага нацысцкага канцэнтрацыйнага лагера Асвенцым-Біркенаў. Сёння пад гэтым тэрмінам разумеюць масавае знішчэнне розных сацыяльных і этнічных груп падчас існавання нацысцкай Германіі.

Трагедыя Халакосту не абышла наш раён. У лістападзе 1941г. было створана гета ў Свіслачы. 1 лістапада 1942 г. усіх, хто застаўся жывым (1536 старых і малых, жанчын і дзяцей), фашысты расстралялі ва ўрочышчы Вішаўнік. Памятаць аб трагедыі – наш чалавечы абавязак.

24 студзеня для навучэнцаў 6-8 класаў праведзена інфармацыйная гадзіна “Памяці ахвяр Халакосту”. У ходзе мерапрыемства вучні пазнаёміліся з асноўнымі паняццямі, звязанымі з трагедыяй Халакосту, даведаліся пра шматлікія ахвяры фашызму, пра жорсткае знішчэнне яўрэйскага народа ў лагерах смерці, гета. Увазе прысутных быў прадстаўлены відэафільм “Они убивали ангелов”.

Вучні ўшанавалі хвілінай маўчання памяць ахвяр генацыду. У заключэнне мерапрыемства былі абмеркаваны словы І.Баўэра, даследчыка Халакосту: “Памяць пра Халакост неабходна, каб нашы дзеці ніколі не былі ахвярамі, катамі ці раўнадушнымі назіральнікамі”.

С.М. Маер, настаўнік гісторыі
svadebnet.ruknig5.ru