Прынеслі Каляды, зімовыя святы,
Прынеслі забавы, і жарты, і песні,
Загадкі, і гульні, і танцы прынеслі.
Не спі, пані скрыпка, і, бубен, прачніся, -
Цудоўныя святы ў нас пачаліся.
У нашай дашкольнай групе 06.01.2023 г. прайшла тэматычная
забава “Калядны агеньчык”.
Ох, які ж гэта незвычайны вясёлы час зіма. Якіх толькі пацех і
цікавых заняткаў, забаў не прапануе яна. Гэта гульні ў снежкі, канькі з
лыжамі, катанне з горак на санках і любімыя ўсім вячоркі па вечарах у
крузе сваёй сям’і ці сяброў за “смачным” сталом. Але, акрамя гэтага,
усім светам адзначаецца светлае і радаснае свята Калядкі.
Гэта адно з самых важных і любімых народам святаў. На
Калядным тыдні традыцыйна народ калядуе - ходзіць па хатах з
каляднай зоркай, са спевамі віншавальных песень “Калядак”. У
калядках апявалі гасціннасць гаспадароў, іх багацце, славілі іх працу на
зямлі, жадалі здароўя, багатага ўраджаю і шчасця. У адказ
калядоўшчыкаў належала частаваць, адорваць падарункамі.
Вось і ў нашай маленькай дашкольнай групе дзеці пад час забавы
“Калядны агеньчык” 06.01.2023г. пазнаёміліся з гісторыяй свята, з
традыцыямі, праглядзелі прэзентацыю “Калядныя святкі”. Слухалі
калядкі “Каляда”, “Шчодрыкі”, гулялі ў народныя гульні па дадзенай
тэме, чыталі каля елачкі ўрыўкі з Бібліі.
Весела і займальна прайшла наша забава!
svadebnet.ruknig5.ru
