На гэтым тыдні частымі гасцямі ў дзяцей былі дзікія жывёлы.
Вавёрачка Рыжуля паказала, як яна робіць свае запасы на зіму, як складае іх у свае каморкі. Воўк Шэры расказваў, як ён палюе і корміць сваю сям’ю. Ад мядзведзя Буркі дзеці даведаліс ён усю зіму спіць у сваёй бярлозе і смокча тлушч са сваёй лапы. А зайчык Хваста навучыў дзяцей розным вясёлым гульням і паказаў, як ён беражэ свае вушы
падчас дажджу. Ліса Аліса расказала, як яна клапоціцца пра сваіх дзіцянят.
На працягу тыдня мы перачытвалі беларускія і рускія народныя
казкі пра дзікіх жывёл, абмяркоўвалі характары, звычкі жывёл,
прыдумвалі новыя гісторыі пра іх.
Свае веды дзеці замацоўвалі праз дыдактычныя гульні: “Дзікія
жывёлы і іх дзіцяняты”, “Хто што есць?”, “Чый малыш?”, “Назаві
сям’ю” і іншыя.
Дзецям былі паказаны прэзентацыі аб дзікіх жывёлах, дзе дзеці
адгадвалі загадкі, гулялі ў гульню “Што лішняе?”, падбіралі дзіцянят да
мам і інш.
Нашы дзеці вельмі любяць майстраваць сваімі рукамі таму для іх
мы падрыхтавалі заняткі па вырабе жывёл-вожыкаў, зайчыкаў. Дзеці з
радасцю выраблялі розных жывёл!
