свята – Новы год!
Новы год - самае любімае, добрае, казачнае свята, якое чакаюць у
кожнай хаце, у кожнай сям’і. Новы год - гэта час чараўніцтва, усмешак
і шчасця. У гэтае свята кожны можа паверыць у казку, акунуцца ў
атмасферу чагосьці незвычайнага, таямнічага, якое зачароўвае і,
несумненна, незабыўнага. Але ніхто так шчыра не чакае Навагодняга
цуду, чароўных ператварэнняў і прыгод, як нашы дзеці.
27.12.2021г. у нашым дзіцячым садку праводзіўся навагодні
ранішнік. Падрыхтоўка пачалася задоўга да наступлення свят.
Выхавацелі з дзецьмі развучвалі вершы, праводзілі гутаркі на тэму
Новага года, навагодніх традыцый, музычны кіраўнік развучваў з
выхаванцамі песні, танцы, навагоднія карагоды. Для ставрэння
святочнай атмасферы вялізную працу правялі па афармленні музычнай
залы.
На ранішнік дзеці прыйшлі прыгожыя, вясёлыя ў прадчуванні
свята. Падчас навагодніх уяўленняў панавала атмасфера свята і
чараўніцтва. Дзеці змаглі акунуцца ў святочную атмасферу прыгод, дзе
праявілі свае мастацкія здольнасці, эмацыйную ўспрымальнасць і
творчую актыўнасць.
Яшчэ доўга дзеці будуць успамінаць тыя незабыўныя хвіліны, якія
падарыў ім Новы год. Бо немагчыма забыць здзіўленне, захапленне і
радасць у вачах, атмасферу навагодняга цуду, які мы стварылі для
нашых дзяцей самі.
