Штогод 22 чэрвеня ў Беларусі адзначаецца Дзень усенароднай памяці ахвяр Вялікай Айчыннай вайны і генацыда беларускага народа. 22 чэрвеня 1941года фашысцкая Германія напала на Савецкі Саюз, пачала бамбіць мірныя гарады нашай краіны. Гітлер запланаваў правесці маланкавую вайну ўсяго за 150 дзён, аднак Вялікая Айчынная працягвалася доўгія 1418 дзён і начэй.
22 чэрвеня для навучэнцаў 5-8 класаў у школьным музеі была праведзена экскурсія “Гэты дзень нельга забыць”. Мерапрыемства прысвечана памяці ўсіх тых, хто прыняў на сябе ўдар ворага і змог стрымаць яго, хто спазнаў горыч адступлення, але з трагічнага лета 1941 года праклаў дарогу да рэйхстага. Дзеці яшчэ раз успомнілі трагічныя старонкі гісторыі нашай мясцовасці, акунуліся ў атмасферу ваенных гадоў.
