Ум заключается не только
в знании, но и в умении прилагать
знание на деле. Аристотель

25 красавіка 2022г. для навучэнцаў 1-9 класаў прайшла лінейка памяці “Чарнобыль – наша боль і памяць” у рамках рэспубліканскай дэкады грамадска-патрыятычных спраў “Чарнобыль. Захоўваючы памяць…”.
Вядучыя пазнаёмілі прысутных з хронікай падзей тых даўніх і страшных дзён, прычынамі, якія прывялі да трагедыі, жудаснымі лічбамі вынікаў катастрофы, расказалі пра гераічную барацьбу ліквідатараў. Хвілінай маўчання памянулі ўдзельнікі мерапрыемства ахвяр Чарнобыльскай бяды.
Сёння ўсе мы разам і кожны паасобку адказваем за тое, што адбываецца на Зямлі. Мы павінны захаваць цудоўны скарб прыроды для нашых нашчадкаў. Але і праз гады, у новым шчаслівым жыцці, як прарок, як папярэджанне, маленькім сцягам будзе пульсаваць зорка Чарнобыля.

26 красавіка 2022 года - 36 гадоў з дня катастрофы на Чарнобыльскай АЭС - беспрэцэдэнтнай аварыі ў гісторыі атамнай энергетыкі. Гэтая красавіцкая дата стала асаблівай не толькі для Беларусі, Расіі і Украіны, але і для ўсяго свету. Усё цывілізаванае чалавецтва ў гэты дзень успамінае пра Чарнобыль, пра тых, хто, не шкадуючы свайго жыцця і здароўя, спыніў радыяцыйную стыхію і прадухіліў вялікую бяду.
25 красавіка ў рамках дэкады грамадска-патрыятычных спраў “Чарнобыль. Захоўваючы памяць…” з мэтай фарміравання ў навучэнцаў культуры беражлівых адносін да гісторыка-культурнай і прыроднай спадчыны краіны для навучэнцаў 6-8 класаў была праведзена інфармацыйная гадзіна “Чарнобыль: учора, сёння, заўтра”. Дзеці з цікавасцю слухалі аповед аб жахлівых падзеях красавіцкіх дзён 1986 года, аб негатыўных эканамічных, медыцынскіх і сацыяльна-псіхалагічных наступствах Чарнобыльскай аварыі.